Prezi

Rap feito en Galicia on Prezi

Dr. Valda en Castrelos (Directo 2009)

Este é un pequeno vídeo que tiven que editar para a clase de TIC, aparece unha toma de Dr. Valda rapeando en directo en Castrelos, teloneando a Public Enemy con LicorKafe en 2009.

Producións Bóveda - O Instituto

Aquí tendes unha moi breve presentación do que será o filme "O Instituto", rodado no IES Alexandre Bóveda e que verá a luz en moi pouco tempo...

O Xornal de Brais

Videoxogos ; ¿Son educativos? ¿Son cultura?

Hoxe en día os videoxogos ocupan un lugar moi importante na nosa sociedade. Hai videoxogos de tódolos tipos imaxinables e tamén gran variedade de plataformas onde xogalos.

Desde o meu punto de vista, os videoxogos poden ser educativos, en ocasións. Como xa dixen anteriormente hai videoxogos de tódolos tipos, deportivos, de fantasía, de rol... e sen dúbida, tamén educativos ou favorables para exercitar a nosa mente. Tamén presentan inconvenientes, como por exemplo, numerosos casos de adicción por parte dos xogadores.

Lóxicamente, forman tamén parte da cultura, podes aprender con eles ou non, pero son empregados por millóns de persoas de tódalas idades en todo o mundo.

De feito, están tan involucrados na cultura que hai todo tipo de eventos relacionados con eles, dende campionatos ou ligas, ata entregas de premios, como o recente "Premio Príncipe de Asturias", que recibui fai menos dun mes Miyamoto, creador de xogos tan coñecidos como "Super Mario", o xinete de gorra vermella que podedes ver na imaxe de arriba.

Wikipedia

A Wikipedia foi sen dúbida unha revolución no mundo de internet, esta páxina permite acceder a información de todo tipo, e susténtase do que escriben os internautas, é dicir, todo o escrito na Wikipeida é editable por calquer usuario de internet. Isto xera grandes vantaxes, a pesar de ter o seu punto arriscado. Cabe destacar que a Wikipedia é totalmente gratuita.

Información na Galipedia: El Puto Coke (Galipedia)

Pinterest ; Una nova rede social

Pinterest é a nova rede social que está pegando forte. Trátase dunha rede de carácter público, é dicir, todo o que colgas pode velo calquera. Presenta certa semellanza con Twitter neste aspecto.

Esencialmente en Pinterest pódense encontrar imaxes e vídeos que colgan outros usuarios aos que podes seguir, ademais de poder engadir o material subido ao teu álbum de "Likes". 

Persoalmente, rexistreime e probeina, e a pesar de que non me convenceu como rede social de uso a diario, teño que dicir que é canto menos curiosa, pois é unha nova "forma" de rede social ata agora descoñecida. Déixovos unha pequena imaxe do meu álbum de favoritos:

Estafas En Internet

Hoxe vou falar sobre dous tipos de estafas en internet; O Phising e o Pharming.

-Phishing é un termo informático que denomina un tipo de delito encadrado dentro do ámbito das estafas cibernéticas, e que se comete mediante o uso dun tipo de enxeñaría social caracterizado por intentar adquirir información confidencial de forma fraudulenta (un contrasinal, información detallada sobre tarxetas de crédito...). O estafador, se fai pasar por unha persoa ou empresa de confianza nunha aparente comunicación oficial electrónica, (un correo electrónico, algún sistema de mensaxería instantánea ou chamadas telefónicas). Podemos identificar este tipo de estafa sabendo que calquera empresa seria nunca nos solicitaría información persoal a través de correos electrónicos. 

-Pharming é a explotación dunha vulnerabilidade no software dos servidores DNS ou no dos equipos dos propios usuarios, que permite a un atacante redirixir un nome de dominio a outra máquina distinta. Desta forma, un usuario que introduza un determinado nome de dominio que fose redirixido, accederá no seu explorador de internet á páxina web que o atacante especificase para ese nome de dominio.A forma máis efectiva de evitar caer neste tipo de estafas, é evitando que o noso ordenador se infecte de códigos maliciosos, contando cun bo antivirus que estea constantemente actualizado, pero tamén con algún anti-malware que protexa permanentemente o noso ordenador.

"Hey pijo! Así comenzaron los 90´s !!"

Aquí vos deixo a versión dixital desta marabillosa revista!

Festa Freestyle Vigo 3ª Edición!

Non che perdas esta festa na que tamén participarán: Drum Drama, Sale, Erin, Orge, Jako CDC, El Puto Coke, Grove Hustla, Duke Sam, Polakko, Demecee & Peka Bwoy, Monty, Xoko Suizo, Zentinela, Malvares Moscoso, Wöyza, Frane Rs, Distrito Criminal, Payno, Neuro, Sowel, Juan Brea, Shakem, Fran, Santy, JokaJow, Eerie Style + artista sorpresa… 

Folga Estudantil do pasado xoves día 10 de maio!

Aquí vos deixo un vídeo da Folga que se levou a cabo o xoves en protesta contra os recortes impostos polo goberno do PP nos presupostos para este ano, e os recortes do goberno da Xunta, que perxudicarán a servizos públicos básicos como a sanidade e o ensino.

Jóvenes al Filo- Dr.Valda, Esmash, Borja M.R

GranPurismo- "Drive" (Prod.Hazhe)

Vilamor ; un filme galego

O pasado venres recibimos no instituto a visita dalgúns membros de "Vilamor", un filme galego ambientado na Galicia do ano 1976. O equipo de Vilamor presentounos de xeito moi ameno o seu filme, Ignacio Vilar (o director), Rubén Ríos, Sabela Arán e Xoel Yáñez (personaxes) transmitíronnos plenamente o que representa Vilamor para eles, a paixón coa que elaboraron a totalidade do filme e as diversas etapas polas que pasou antes de chegar á gran pantalla. Penso que podería ser un filme moi interesante sobre Galicia, tentarei velo o antes posible! Na parte posterior tedes o tráiler, podedes atopar máis información sobre Vilamor facendo click aquí.

Megaoppload - La Puta Opepé

Novo videoclip deste veterano grupo de rap mallorquino falando sobre o peche de Megaupload. Escoita recomendada, bótalle unha orella!

Hoxe FOLGA XERAL!

Hoax sobre Mercadona

Aquí mesmo atopámonos cun Hoax. Este é un exemplo dos miles de hoaxes que circulan pola rede. Concretamente, este distribuíase por medio de correo electrónico. O seu descubrimento foi extremadamente doado, debido a que a información que contiña o e-mail non estaba anunciada nos establecementos, nin desde logo, promocionada polos seus traballadores. Aínda así, este hoax probablemente circulara por miles de persoas antes do seu descubrimento.

Conclusión; hai que ter coidado coa información que atopamos na rede, estamos sometidos a abundantes enganos constantemente.

Definimos Hoax como: Un conto ou noticia falsa que intenta facer crer a un grupo de persoas que algo é real. Atópase en abundancia por medios electrónicos, especialmente internet.

O obxectivo principal dos bulos adoita ser captar indirectamente direccións de correo electrónico, para enviar correos masivos, publicidade, virus informáticos e diversos enganos para intentar manipular a opinión pública da sociedade.Transmítense mediante cadeas de correo electrónico sobre temas como virus incurables, falacias sobre persoas, institucións ou empresas, mensaxes de temática relixiosa, etc.

"El Proyecto de La Bruja de Blair"

When The Last Time- Clipse (ZOMBEATS REMIX)

Aquí vos deixo un minuto deste remix de "The Zombeats"(Vilagarcia de Arousa). Se queredes podedes ler a tradución da letra deste grupo procedente de Estados Unidos seleccionando a linguaxe ao lado do Play.

Os sucesos de Valencia

O pasado Mércores 15 de Febreiro, estudantes do IES Lluis Vives de Valencia foron sometidos a unha dura carga policial mentres se manifestaban polos recortes sufridos en numerosos institutos públicos valencianos, que vense imposibilitados a garantir condicións básicas (calefacción, pagos a proveedores, pago de nóminas...) polo que non conseguen aportar aos seus alumn@s unha educación de calidade.

A actuación da policía orixinou cargas e detencións, mesmo contra menores de idade. Posteriormente, en protesta a estes feitos, centos de persoas concentráronse nos arredores do instituto na mañá do Xoves 16, e foron recibidos con outra boa ración de violencia policial, deixando a 6 estudantes detidos, pertencentes a SEPC e Acontracorrent. Esa misma tarde, a policía interveu de forma violenta contra as persoas que protestaban ante a Delegación de Goberno en Valencia polas actuacións policiais, o que ocasionou novas cargas policiais e outro detido menor de idade.

Os sucesos de Valencia xeraron movilizacións a nivel nacional contra os recortes e en apoio aos estudantes valencianos.

Na miña humilde opinión, a actuación da policia foi (como case de costume...) inxustificada, excesivamente violenta, sen causa, como é habitual con notable abuso de forza e "autoridade" cara a todos os manifestantes. Unha importante falta de respeto cara a toda a sociedade, que dende o meu pensar deberia levar un bó castigo. Califico de TOTALMENTE PENOSA a actuación tanto dos policías coma dos altos cargos que levaron a cabo a decisón de enviar numerosas (denominadas coloquialmente) "grilleras", pero que en realidade están cheas de monos cun impoñente disfraz e armas, coas que agreden a xente, tanto física como verbalmente en moitos casos. Lamentable.

Podedes atopar máis información sobre este suceso botando unha ollada neste enlace.

¿Como me afectou o peche de Megavideo?

A verdade é que este suceso non me afectou demasiado no meu actual uso de internet. Parecíame unha gran páxina, permitía ver e descargar numerosos vídeos, filmes, series, etc. sen grandes esperas de tempo. Unha páxina de frecuente visita por millóns de internautas a diario, persoalmente, eu a empregaba para buscar series de televisión, para filmes intentaba recurrir a programas de intercambio P2P ou Torrent, e é por isto que non notei especialmente o seu peche.

Aínda así, penso que isto pode implicar problemas na rede, ocasionados por tódolos hackers detrás desta plataforma que busquen vinganza ante a actuación do FBI.

Podedes acceder a un artículo en internet no que se fala das consecuencias do peche da plataforma Megaupload, facendo click aquí.

¿Por qué WhatsApp é gratis?

Pregunta moi frecuente en miles de persoas, ¿por que esta aplicación con tanto éxito é gratuita?. Pois ben, o negocio de WhatsApp consiste unicamente en ser usado por millóns de persoas de todo o mundo, ata o punto de chegar a crear unha necesidade por parte dos usuarios de empregar esta aplicación.

Os cartos que o manteñen vivo saen de fondos de inversión, compañías que toman o diñeiro dos seus clientes e o invirten noutras empresas con positivas espectativas de crecemento. Posteriormente, os inversores lévanse a parte proporcional dos beneficios en relación coas súas inversións.

Os gastos de persoal e sostemento de WhatsApp son practicamente nulos, e o seu potencial de venta é enorme. Calquera operadora do mundo desexaría mercala, posto que obtería a millóns de clientes aos que podería, por exemplo, insertar publicidade. É por isto que estimamos que o prezo actual de WhatsApp é de millóns de Euros.

HTML5

Toca falar do HTML5, unha linguaxe definida como a mellor alternativa para crear xogos de navegador. As súas características básicas son que é aberto e gratuito, non require instalar complementos e está respaldado polos máis grandes do mundo tecnolóxico, como poden ser Google, Microsoft e Apple.

Aquí deixovos unha captura dun xogo que probei para a clase de TIC neste novo formato, chámase "Cánavas River", consiste en conducir unha bicicleta a traves de escenarios debuxados polos xogadores e mestura HTML 5 con Javascript. Podedes probar a xogar facendo click na imaxe.

Código QR

Aquí unha mostra do Código QR do meu Blog.

Ni una lágrima por cada cigarrillo, nadie dijo nunca que fuera sencillo.

Dende Special Edision chega o tema inédito "Jardín de espinas", lanzado o Día Internacional da Violencia de Xénero (25 de novembro).

Neste vídeo interveñen os MC´s galegos Ze Verona e The Big Nando sobre un beat de CarlitoSound, compoñentes das agrupacións "96ERS" e "Special Edision". O vídeo corre a cargo do artista plástico ourensano Abrah, membro tamén das agrupacións mencionadas anteriormente, e recoñecido graffiteiro da Crew "Mepeino", autor de pezas como:

Sé valiente, da un paso al frente, porque tu vida puede ser muy diferente.

MURDERBALL

Impactante documental protagonizado por persoas tetrapléxicas que, recluídos en cadeiras de rodas loitan por relizar un soño; gañar unha competición de rugby paralímpico. Neste documental mostrannos a vida dos xogadores, o antes, o por qué, e a súa loita por adaptarse á súa minusvalía. Competitividade, agresividade e ímpetu podemos dicir que son os adxectivos máis apropiados para definir aos protagonistas, que a pesar das circunstancias, non se deixan levar pola forte corrente da rendición.

Paréceume un documental moi interesante, que transmite valores tan importantes como o aprender a loitar polo que un quere, perseguir os seus soños ata conseguilos e adaptarse ás diversas dificultades que nos poña a vida.

Intenta e consigue influír ao espectador cunha enorme motivación para afrontar os problemas. Documental altamente recomendable.

Aquí déixovos o trailer:

MICROFEST

Cabe facer mención no meu blog ao Microfest, festival de música rap celebrado en Galicia, que acadou os días 18 e 19 de novembro a súa novena edición. Recoméndovos que lle votedes un ollo a súa web, podedes entrar facendo click aquí ou na propia imaxe.

O meu Instituto

Aquí un exercicio de TIC realizado con Gimp. Cambiar o nome do Instituto polo teu de xeito moi rápido e sinxelo.

O Corpo Humán en 3D

Neste enlace, atoparedes unha interesante páxina acerca do corpo humán. Nela poderedes visualizar o interior dun corpo de calqueira sexo, os seus diversos sitemas e organismos... Déixovos unhas pequenas capturas que fixen dela:

Comparemos Twitters...

Comezamos

Boas, chámome Brais e son de Vigo. Teño 16 anos. Este é o meu blog, e aquí escribirei sobre temas do meu interés.
Saúdos para todos os visitantes.